Prezident Ukrainy Piotr Parašenka zajaviŭ, što ahoń va ŭschodnich rehijonach Ukrainy nieabchodna spynić na hetym tydni.
«My pavinny na hetym tydni spynić ahoń. Dla mianie kožny dzień, kali pamirajuć ludzi, kožny dzień, kali Ukraina płacić takuju vysokuju canu, źjaŭlajecca nieprymalnym», — zajaviŭ Parašenka.
«Tamu, pa-pieršaje, treba adnavić pracu dziaržaŭnaj miažy Ukrainy, dla taho kab harantavać biaśpieku kožnaha hramadzianina Ukrainy, jaki žyvie na Danbasie», — cytuje pres-słužba prezidenta krainy słovy Parašenki, skazanyja im na pieršym pasiadžeńni trochbakovaj kantaktnaj hrupy pa ŭstalavańni miru i spakoju na ŭschodzie krainy.
U sustrečy brali ŭdzieł pasoł Rasii va Ukrainie Michaił Zurabaŭ, pasoł Ukrainy ŭ Niamieččynie Paŭło Klimkin i śpiecpradstaŭnik hienieralnaha sakratara ABSIE Chajdzi Taljavini.
