Były śpikier parłamienta Izraila Reŭvien Ryŭlin abrany 10-m prezidentam Izraila.
haaretz.com
Na hetaj pasadzie Ryŭlin źmienić łaŭreata Nobieleŭskaj premii miru, uradženca Biełarusi Šymona Pieresa, u jakoha zakančvajecca ŭ lipieni siamihadovy termin praŭleńnia.
Jak śviedčać vyniki hałasavańnia deputataŭ Kniesetu, u druhim tury hałasavańnia 74-hadovaha Ryŭlina, jaki pradstaŭlaje kirujučuju partyju «Likud», padtrymali 63 z 119 prysutnych parłamientaryjaŭ.
Ryŭlin naležyć da šmatlikaha siamiejstva, jakoje pretenduje na toje, kab Kniha rekordaŭ Hiniesa pryznała jaho samym šmatlikim u śviecie kłanam.
Poŭny honaru za karani svajoj siamji, Reŭvien Ryŭlin kaža, jak važna viedać historyju svajho rodu: «Ja naležu da siamiejstva Ryŭlin jak pa matčynaj, tak i pa baćkavaj linijach. Jany davodziacca adzin adnamu siamijuradnymi bratam i siastroj. Moj baćka — naščadak Vilenskaha Haona i mitnahdzim (praciŭnikaŭ chasidyzmu), a maci — naščadak stryječnaha brata Haona, jaki, pavodle padańnia, jaho i addaŭ». Ich siamiejny deviz: «Skazana, što ŭ ludziej, jakija nie viedajuć svajho minułaha, niama budučyni. Minułaje našaj siamji prosta ździŭlaje, i jość nadzieja na toje, što budučynia nie rasčaruje nas».
