Prakuratura Zavodskaha rajona Minska sankcyjanavała źmiaščeńnie pad vartu baćki i syna, jakija zhvałtavali 22-hadovuju žycharku stalicy.
Jak paviedamiŭ namieśnik prakurora Zavodskaha rajona Viktoryja Kuncevič, žychary Klecka (baćka 1975 hoda naradžeńnia, syn 1995 hoda naradžeńnia), jakija pryjechali ŭ Minsk na zarobki, pryblizna a pieršaj hadzinie nočy 7 červienia paznajomilisia kala stancyi mietro «Partyzanskaja» z maładoj žančynaj. Jana ŭ toj dzień zdała ekzamien u VNU, adznačała padzieju i spaźniłasia na apošni tralejbus. Mužčyny prapanavali jaje pravieści, ale daviali tolki da aŭtadarožnaha mosta na vulicy Malinina, dzie pad pahrozaj zabojstva zhvałtavali.
Asoby padazronych byli ŭstanoŭleny padčas apieratyŭna-vyšukovych mierapryjemstvaŭ. Abodvum vystaŭlena abvinavačańnie na padstavie č. 2 art. 166 KK.
