Zbornaja hrafstva Nica vyjhrała čempijanat śvietu siarod niepryznanych FIFA nacyjanalnych kamandaŭ. U finale turniru, jaki prachodziŭ u šviedskim Estersundzie, kamanda hrafstva ŭ sieryi pienalci abyhrali zbornuju vyspy Men — samakiravalnaj terytoryi Vialikabrytanii.
U čempijanacie pryniali ŭdzieł 12 kamand, u tym liku zbornyja Paŭdniovaj Asiecii, Abchazii i Nahornaha Karabacha. Na turniry taksama zhulali zbornyja Łapłandyi, Padanii (futbalisty z vaśmi paŭnočnych rehijonaŭ Italii), Tamił-Iłama (tamilskaja dyjaspara Kanady, Vialikabrytanii i Šviejcaryi) i Darfura (sudanskija biežancy, jakija žyvuć u pałatačnych łahierach u Čadzie). Pa roznych pryčynach na turnir nie zmahli pryjechać zbornyja Katałonii i vyspy Vialikadnia, paviedamlaje aficyjny sajt Kanfiederacyi niezaležnych futbolnych asacyjacyj (ConIFA).
ConIFA była ŭtvorana ŭ 2003 hodzie ŭ bielhijskim Lježy. U jaje skład uvachodziać futbolnyja zbornyja niepryznanych dziaržaŭ, jakija aficyjna nie ŭklučany ŭ skład Mižnarodnaj fiederacyjaj futboła (FIFA).
