 |
Siońnia a 10‑j hadzinie maładzion byŭ aznajomleny z vynikami psichijatryčnaj ekśpiertyzy, praviedzienaj u miežach kryminalnaj spravy homielskaj filii niezarehistravanaha «Maładoha frontu». U psichijatryčnym zaklučeńni paznačana, što maładzion aryjentujecca ŭ biahučaj situacyi, maje niebłahi słoŭnikavy zapas i erudycyju.
Jak paviedamiŭ Racyi Andrej Cianiuta, u jakaści dadatku da miedyčnaha zaklučeńnia była prymacavanaja kuratarskaja charaktarystyka z Politechničnaha technikuma, u jakim jon vučyŭsia raniej. U dakumiencie było paznačana, što padčas navučańnia Cianiuta «parazitavaŭ na čužych dasiahnieńniach, zakryvaŭ vušy na sieminarach i vyjaŭlaŭ schilnaść da ahresii». Samym niečakanym plonam fantazij kuratarki, dadaŭ aktyvist, stalisia śćviardžeńni, što jon nibyta źbiraŭsia jechać vajavać u Irak i raspaviadaŭ usim pra najaŭnaść «šapki‑nievidzimki».
