1. Bielhija
Hulec «Čełsi» Eden Azar — zorka №1 Bielhii
Mabyć, zaŭziatary sa stažam dobra pamiatajuć hulniu čempijanatu śvietu pa futbole 1986 hoda. Tady ŭ mieksikanskim Leonie ŭ 1/8 finału Bielhija ŭ zvyšdramatyčnaj hulni pieramahła SSSR — 4:3. Za tuju savieckuju kamandu hulaŭ naš Siarhiej Alejnikaŭ. Tady Bielhija ŭ vyniku spyniłasia na čaćviortym radku.
Kažuć, što siońniašniaje pakaleńnie maładych bielhijcaŭ — samaje talenavitaje ŭ historyi kamandy. Pahladzicie skład bielhijcaŭ — adny zorki najlepšych čempijanataŭ.
Kaniečnie, kamandzie brakuje dośviedu, ale navat hałoŭny trenier našaj zbornaj Hieorhij Kandraćjeŭ skazaŭ, što nie ździvicca, kali bielhijcy vyjduć u finał.
Hladzi taksama: Futboł i faveły: siońnia startuje Čempijanat śvietu pa futbole
2. Bośnija
Edzin Džeka - hałoŭnaja nadzieja zbornaj Bośnii
Niekalki razoŭ hetaja nievialikaja bałkanskaja kamanda była za niekalki krokaŭ da vychada na top-spabornictvy, ale ŭ apošni momant im darohu pierachodzili padstupnyja partuhalcy. Letaś, narešcie, prarvała: Bośnija pa pravu pajechała ŭ Braziliju.
Na čempijanat nie prabilisia ni palaki, ni ŭkraincy, ni čechi, ni słavaki.
Moža, u takich varunkach niechta ź biełarusaŭ i pačnie simpatyzavać krepkaj kamandzie Safieta Sušyča. Plus da ŭsiaho — jašče zusim niadaŭna kraina lažała ŭ ruinach paśla vajny.
3. Kot-dJIvuar
Dzidźje Drahba — №1 u Kot-dJIvuary
Ad afrykanskaha futboła zaŭsiody čakaješ niejkaha praryvu. Zdajecca, što voś-voś afrykancy pačnuć na roŭnych hulać ź jeŭrapiejcami i łacinaamierykancami. Čatyry hady tamu tolki cud nie dazvoliŭ hancam prajści ŭ paŭfinał mundyjalu.
Sioleta čakańni ad afrykancaŭ takija ž zavyšanyja. Zdajecca, zbornaja Kot-dJIvuara viadučaja, chaj i z pastarełym, ale ŭsio takim ža nieparaŭnalnym Dzidźje Drahba, najbolš zdolnaja rašać surjoznyja turnirnyja zadačy.
4. Čyli
Paŭabaronca «Juvientusa» i zbornaj Čyli Artura Vidal
Vy zabjacie nam — skolki zmožacie, my zabjom vam — kolki zachočam. Vyhladaje, što brazilcy pačynajuć zabyvać hetuju imi ž i stvoranuju iścinu. Zatoje taki łozunh na ŭzbrajeńnie ŭziała zbornaja Čyli.
Ichni trenier Chorchie Sampaoli skałaciŭ samuju biesšabašnuju kamandu śvietu na siońniašni dzień. Hałoŭ u matčach čylijcaŭ pavinna być šmat.
5. Japonija
Sindzi Kahava pahulaŭ u «Barusii», ciapier hulaje ŭ ManJunajted.
Sindzi Kahavu i Kiejsukie Chondu viedajuć usie futbolnyja zaŭziatary. Hetyja «samurai» (tak nazyvajuć japonskuju zbornuju) prabilisia ŭ mocnyja kłuby — «Mančester Junajted» i «Miłan».
Chaj i nie zaŭsiody hulajuć za svaje kamandy. Japoncy vytrymanyja, dyscyplinavanyja, atletyčnyja. Padajecca, jany zdolnyja na mnohaje.
