Eks-prezident Ukrainy Viktar Janukovič i byłyja vysokapastaŭlenyja asoby z SBU i Minabarony, jakija ciapier znachodziacca ŭ Maskvie, vydali Rasii sakretnuju infarmacyju.
Pra heta zajaviŭ daradca ministra ŭnutranych spraŭ Anton Hieraščanka ŭ efiry «5 kanała».
«U nas dva byłyja ministry abarony znachodziacca ŭ Rasii. Sakretnyja nośbity, jakija zdali całkam usie raskłady pa vojskach. U nas dva byłych načalnika SBU taksama znachodziacca ŭ Rasii. Były načalnik słužby źniešniaj raźviedki Ryhor Iljašoŭ taksama znachodzicca ŭ Rasii», — zajaviŭ jon.
«Plus były Viarchoŭny Hałoŭnakamandujučy Janukovič taksama ŭ Rasii. Rasii byli całkam viadomyja ŭsie raskłady, uvieś materyjalny i maralny stan ukrainskich sił», — padkreśliŭ Hieraščanka.
Pavodle jaho słoŭ, Ukraina była nie hatovaja da takoha rodu kanfliktu.
«Heta tak zvanaja hibrydnaja vajna, kali Rasija nie ŭvodzić siudy aficyjnyja vojski, ale ŭvodzić svaich bajevikoŭ, najmitaŭ, jakija finansujucca siamjoj Janukoviča, moža być i inšymi ŭžo ruskimi fondami», — skazaŭ jon.
