Zaviaršyŭsia vizit Alaksandra Łukašenki ŭ Białhrad.
Jak užo paviedamlałasia, jon sustreŭsia sa svaim sierbskim kaleham Tamisłavam Nikaličam i vuzkim i pašyranym składzie. Baki pryniali sumiesnuju zajavu i padpisali «šerah mižnarodnych dakumientaŭ», paviedamiła pres-słužba biełaruskaha kiraŭnika.
Aprača taho, Łukašenka pravioŭ sustrečy z kiraŭnictvam Narodnaj Skupščyny Sierbii i patryjarcham Sierbskim Ireniejem, jaki ŭručyŭ jamu najvyšejšuju ŭznaharodu Sierbskaj pravasłaŭnaj carkvy — orden Śviatoha Savy I stupieni. Hetym ordenam adznačajucca «vydatnyja zasłuhi ŭ duchoŭnaj, aśvietnickaj i humanitarnaj śfierach».
Prymajučy ŭznaharodu, Łukašenka zaznačyŭ, što jana źjaŭlajecca pa-svojmu avansam, «kab jašče bolš pracavać nad zhurtavańniem našych narodaŭ».
