Adpaviednaje rašeńnie pryniało kiraŭnictva kłuba ź mierkavańniaŭ ekanomii.
U čempijanacie Biełarusi «Biareście» zaniało čaćviortaje miesca. Bieraściejki atrymali mahčymaść zajavicca u Kubak vykliku, adnak mahčymaściu nie skarystalisia.
Pa słovach hałoŭnaha treniera kamandy Uładzimira Saŭko, kamanda svaje siły aceńvaje realna. Kłub nie choča vydatkoŭvać niemałyja hrošy na pajezdki, kab biezvynikova paŭdzielničać u hulniach.
Saŭko: «U Breście, vy ž viedajecie, BHK na pieršym mieście, tamu ŭsie finansy iduć u mužčynskuju kamandu. Chaciełasia b pabolej hrošaj, kab nabyć dobrych hulcoŭ, ale na čym staim, na tym staim… Ja liču, što ŭ nas niadrennaja kamanda, ale na Jeŭropu my jašče nie daśpieli».
Nahadajem, što ŭ bresckaj mužčynskaj kamandy spravy vyhladajuć značna lepš. BHK imia Miaškova — sioletni pieramožca i čempijanatu Biełarusi, i Kubka Biełarusi. U nastupnym siezonie bieraściejcy vystupiać u Lizie čempijonaŭ, kudy prajšli biez kvalifikacyjnaha adboru.
