 |
Staŭka vyvaznoha myta na syruju naftu ŭ Rasiei z 1 śniežnia 2007 hodu pavyšajecca da $275,4 za tonu. Adpaviednuju pastanovu padpisaŭ 13 listapada premjer‑ministar RF Viktar Zubkoŭ. Z 1 kastryčnika pamier myta byŭ $250,3 za tonu.
U adpaviednaści ź biełaruska‑rasiejskim mižuradavym pahadnieńniem pra miery pa ŭrehulavańni handlova‑ekanamičnaha supracoŭnictva ŭ halinie ekspartu nafty j naftapraduktaŭ, myta na naftu, jakaja pastaŭlajecca ŭ Biełaruś z Rasiei, vyznačajecca ŭ 2007 hodzie z prymianieńniem kaeficyjentu 0, 293 ad rasiejskaha myta.
Takim čynam, myta z 1 śniežnia składzie $80,7 za tonu suprać ciapierašnich $73,3. U adpaviednaści z pastanovaj uradu RF ad 1 śniežnia staŭka ekspartnaha myta na śvietłyja naftapradukty składzie $197,8 za tonu suprać ciapierašniaj $181, na ciomnyja naftapradukty — $106,6 (ciapier $97,5). Takija samyja myty musiać być i pry eksparcie naftapraduktaŭ ź Biełarusi ŭ trecija krainy.
