hulnaja praciahłaść paradnaha raźliku techniki, jakaja prymie ŭdzieł u paradzie ŭ aznamienavańnie Dnia Niezaležnaści i 70-hodździa vyzvaleńnia Biełarusi ad niamiecka-fašysckich zachopnikaŭ, što projdzie 3 lipienia ŭ Minsku, składzie bolš jak 1500 m.
Paviedamili ŭ Ministerstvie abarony Biełarusi.
U vajennym paradzie prymuć udzieł bolš jak 3700 vajennasłužačych i kala 240 adzinak bajavoj techniki ŭ składzie 20 piešych i 20 paradnych raźlikaŭ sučasnaj vajennaj techniki. Adrazu paśla piešych raźlikaŭ pierad hladackimi trybunami projdzie technika pieryjadu Vialikaj Ajčynnaj vajny. U hod 70-hodździa vyzvaleńnia Biełarusi na paradzie buduć pradstaŭleny ŭzory techniki 30-ch i 40-ch hadoŭ minułaha stahodździa, dziakujučy jakoj byŭ spynieny pieršy nacisk zachopnikaŭ u pačatkovy pieryjad vajny i dasiahnuty značny ŭkład u dasiahnieńnie Vialikaj Pieramohi.
Za kałonaj techniki Vialikaj Ajčynnaj vajny projdzie technika, jakaja znachodzicca na ŭzbrajeńni Uzbrojenych Sił Biełarusi.
Siarod ich: tanki - T-72B; bajavyja mašyny piachoty - BMP-2; bronietransparciory - BTR-80; samachodnaja haŭbica 2S19 «Msta-S»; sistemy reaktyŭnaha załpavaha ahniu «BiełHrad» i «Śmierč»; zienitnyja rakietnyja kompleksy «S-300PS», «S-300V» i «Tor-M2»; rakietny kompleks «Točka»; aŭtamabili «Bahatyr».
Akramia taho, minčanie i hości stalicy zmohuć taksama ŭbačyć vajennuju techniku Uzbrojenych sił Rasii:
samachodnyja puskavyja ŭstanoŭki sa składu apieratyŭna-taktyčnaha rakietnaha kompleksu «Iskander» i zienitnaha rakietnaha kompleksu S-400 «Tryumf», a taksama braniravanyja mnahametavyja mašyny «Tyhr».
Taksama 3 lipienia ŭ niebie nad Minskam projdzie pavietrany parad, dzie buduć pradstaŭleny asnoŭnyja typy avijacyjnaj techniki biełaruskaj armii.
26 červienia vajennaja technika projdzie pa vulicach Minska — heta budzie pieršaja treniroŭka ŭ haradskich umovach pierad paradam