Sieparatystam na ŭschodzie Ukrainy patrebna vajennaja dapamoha Rasii, pra heta zajaviŭ adzin ź lidaraŭ prarasijskich bajevikoŭ na Danbasie Ihar Strałkoŭ.
«Čytaju na inšych resursach niekatoryja kamientary z nahody pierśpiektyŭ apałčeńnia i mahčymaści ŭmiašańnia Rasii. Adno mahu skazać — pastaŭki ciažkaha ŭzbrajeńnia mahli vyratavać situacyju jašče tydzień tamu.
Zaraz čas stračany. Patrebna vajennaja dapamoha Rasii», —
havorycca ŭ paviedamleńni na staroncy Strałkova ŭ «Vkontaktie».
Raniej u čaćvier hienieralny sakratar NATO Anders Foh Rasmusen zajaviŭ, što moža paćvierdzić novaje skapleńnie vajskoŭcaŭ uzdoŭž rasijska-ŭkrainskaj miažy.
Aficyjna rasijskija ŭłady da hetaha času kazali tolki ab humanitarnaj dapamozie dla Danbasa, ale asobnyja palityčnyja i hramadskija dziejačy vykazvalisia pra nieabchodnaść vajennaha sadziejničańnia sieparatystam va Ukrainie.
Hienprakuratura Ukrainy inkryminuje Iharu Strałkovu stvareńnie terarystyčnaj arhanizacyi.