Asnoŭnaja tema piesień hurta «Raźbitaje serca pacana» — niaščasnaje kachańnie. Muzyki naŭmysna śpiavajuć na trasiancy, kab padkreślić kalaryt pačućcia prosta biełaruskaha chłopca, budź toje rabočy na vioscy, budź toje taksist ci prosta student. Styl vykanańnia — raznastajny. «Raźbitaje serca pacana» eksperymentujuć ź biełaruskim materyjałam, pryŭnosiać tudy zamiežnaha kalarytu i pa‑svojmu azdablajuć.
Hurt «Parason» pieramoh u «Basoviščy» u 2006 hodzie. Muzyki atrymali mahčymaść zapisać albom u dobraj studyi. Pakul muzyki šukajuć siabie i sprabujuć u novym muzyčnym vymiareńni. 21 listapada ŭ 18:30 vystupiać udzielniki hurta, raspaviaduć pra siabie siońnia i pra svaje plany.
Kancerty na siadzibie buduć adbyvacca štotydzień. Tak 20 listapada adbudziecca vystup Andreja Plasanava z hurtom P.L.A.N. Muzyka prezentuje svoj čarhovy albom i piać klipaŭ. Naprykancy listapada ZigZag prezentuje «Try rasiejskija litary». Štotydniovyja imprezy buduć adbyvacca da lutaha 2008 hoda.