Trahiedyja adbyłasia na terytoryi pryvatnaha doma ŭ vioscy Krapiŭna Aršanskaha rajona.
112.by
Aršanski mižrajonny adździeł Śledčaha kamiteta Biełarusi pravodzić pravierku pa fakcie śmierci.
Paviedamleńnie, što na pryvatnym padvorku patrebna dapamoha 40-hadovamu mužčynu, jaki byŭ zacisnuty kamieniem u jamie, vyratavalnikam stała viadoma 25 červienia a 11-j viečara.
Supracoŭniki MNS, jakija apieratyŭna prybyli na miesca zdareńnia, pabačyli na terytoryi ŭčastka kamień dyjamietram paŭtara mietra, z-pad jakoha vidać byli frahmienty čałaviečaha cieła. Miarkujecca, što padčas prac pa pierasoŭvańni vałuna kamień vahoj u paŭtary-dźvie tony zrušyŭsia ŭ vykapanuju jamu i zacisnuŭ mužčynu. Vyratavać jaho nie ŭdałosia.
0
0
0
0
0
0