Na Čempijanacie śvietu pa futbole ŭ Brazilii adzin anhlijski zaŭziatar adkusiŭ inšamu kavałak vucha.
Jak stała viadoma, incydent adbyŭsia jašče 19 červienia ŭ San-Paŭłu ŭ chodzie sustrečy zbornych Anhlii i Uruhvaja. Miascovaja palicyja pačała rasśledavańnie paśla skarhi pakusanaha zaŭziatara.
Pradstaŭnik brytanskaha Ministerstva zamiežnych spraŭ zajaviŭ, što ŭ kursie taho, što adbyłosia ŭ San-Paŭłu. Pavodle jaho słoŭ, paciarpiełamu «była zabiaśpiečana konsulskaja padtrymka».
Jak piša The Telegraph, spasyłajučysia na atrymanaje redakcyjaj videa, incydent mieŭ rasavuju padaploku.
Kroŭ ściakała pa šyi Robierta Farkucharsana (Robert Farquharson), ale jon praciahvaŭ śmiajacca, piša The Telegraph.
Jak viadoma, 19 červieni zbornaja Anhlii prajhrała Uruhvaju ź likam 2:1, pry hetym dva hały ŭ toj sustrečy zabiŭ Łuis Suares, dyskvalifikavany na dniach za ŭkus italjanskaha abaroncy.
Hladzi taksama
Suares: Ty nie ty, kali hałodny! VIASIOŁYJA KARCINKI
