«Hetaj nočču ŭ Daniecku zahinuŭ naš kaleha, apieratar Pieršaha kanała Anatol Klon, — havorycca ŭ paviedamleńni telekanała. — Trahiedyja adbyłasia pobač z adnoj z vajskovych častak, kudy zdymačnaja hrupa pryjechała rabić čarhovy repartaž».
Pajezdka da vajskovaj častki numar 1428, raźmieščanaj pad Aŭdziejeŭkaj, za 15 kiłamietraŭ ad Daniecka, była arhanizavana pres-słužbaj samaabvieščanaj «Danieckaj narodnaj respubliki» (DNR), jak pieradaje Pieršy kanał.
Žurnalisty jechali ŭ aŭtobusie razam z mamami sałdat terminovaj słužby, jakich sabrali bajeviki, kab ź ich dapamohaj dabicca, kab bajcy pakinuli svaje pazicyi.
Kanał nie paviedamlaje poŭnaj karciny padziej.
Viadoma, što za apošniuju noč zamireńnia bajeviki trojčy adkryvali ahoń. Usiaho za apošnija 48 hadzin zahinuli 5 ukrainskich vajskoŭcaŭ i bolš za dziesiać było paraniena.
