23 žniŭnia hurt «Lapis Trubiacki» ŭ ramkach raźvitalnaha turu «Kłoŭna niama — Happy End Tour» daść kancert dla biełaruskaj publiki ŭ Vilni.
Vystup adbudziecca na adkrytaj placoŭcy kłuba Loftas, raźličanaj na 4,5 tysiačy hledačoŭ. Biełarusy mohuć aformić biaspłatnyja vizy.
Jak i było abvieščana niekalki miesiacaŭ tamu, z 1 vieraśnia «Lapis Trubiacki» spynić svajo isnavańnie. Tur «Kłoŭna niama - Happy End Tour» stanie samym karotkim u historyi hurtu — akramia Vilni kalektyŭ daść raźvitalnyja vystupy tolki ŭ Maskvie, Pieciarburhu i Kijevie.
Dziakujučy padtrymcy MZS Litoŭskaj Respubliki, častka ŭvachodnych biletaŭ na hety kancert dla biełarusaŭ zabiaśpiečana biaspłatnymi vizami z terminam znachodžańnia z 22 pa 24 žniŭnia ŭklučna. Padača dakumientaŭ sproščanaja — daviedki ź miesca pracy / vučoby, paćvierdžańnia płaciežazdolnaści nie patrabujucca. Padrabiaznaja infarmacyja ab zapaŭnieńni ankiet i inšych niuansach na sajcie www.shabli.by.
Umovy prodažu kvitkoŭ — adzin bilet na adzin pašpart. Kali ŭ vas niama sapraŭdnaj vizy, to dla kupli kvitka vam treba papiarednie zarehistravacca na padaču dakumientaŭ u pasolstvie Litoŭskaj Respubliki ŭ Biełarusi na daty z 28 lipienia pa 15 žniŭnia i razdrukavać paćviardžeńnie rehistracyi. Novyja miescy na padaču dakumientaŭ źjaŭlajucca kožny pracoŭny dzień.
Košt kvitkoŭ: 420 tys. rub.
Prodaž kvitkoŭ: z 30 červienia ŭ ofisie ahienctva «Šabli»: horad Minsk, vulica Čarviakova 6, 3. Padjezd, cokalny pavierch (z 9:00 da 19:00 hadzin u pracoŭnyja dni).
