Inśpiekcyja Ministerstva pa padatkach i zborach pa Minsku adpracuje pytańnie ab spynieńni ŭ stalicy takoha vidu dziejnaści, jak pasutkavaja zdača kvater, paviedamiŭ siońnia na apieratyŭnaj naradzie ŭ Minharvykankamie načalnik IMPZ pa Minsku Uładzimir Łajkoŭ.
«Nadańnie miescaŭ dla karotkaterminovaha pražyvańnia zžyŭ siabie jak vid dziejnaści, uličvajučy kolkaść haścinic u horadzie. Akramia taho, jak tolki ŭ padjeździe źjaŭlajecca kvatera na sutki, adrazu ž uźnikaje masa prablem, jakija tyčacca parušeńnia hramadskaha paradku. Uličvajučy ŭsio heta, inśpiekcyja Ministerstva pa padatkach i zborach budzie vychodzić z prapanovaj ab spynieńni ŭ Minsku takoha vidu dziejnaści, jak zdača kvatery na sutki», — skazaŭ Uładzimir Łajkoŭ.
Staršynia Minharvykankama Mikałaj Ładućka daručyŭ vyvučyć hetaje pytańnie sumiesna z upraŭleńniem žyllovaj palityki, hałoŭnym upraŭleńniem žyllovaj haspadarki, i na praciahu miesiaca ŭnieści adpaviednyja prapanovy ŭ Ministerstva žyllova-kamunalnaj haspadarki.
