Taktyka ŭkrainskich siłavikoŭ vyklučaje masiravanyja avijaŭdary pa nasielenych punktach.
Pra heta zajaviŭ śpikier Infarmacyjnaha centra RNBA Andrej Łysienka.
«Praca z pavietra i ciažkaj artyleryjaj viadziecca tolki pa kałonach, jakija ruchajucca pa haradach abo pieramiaščajucca pamiž nasielenymi punktami», — adznačyŭ Łysienka.
Pavodle jaho słoŭ, vybivać terarystaŭ z haradoŭ buduć śpiecnazaŭcy.
«U samych nasielenych punktach — heta vielmi adkaznaja i, ja b skazaŭ, juvielirnaja praca dla našych śpiecnazaŭcaŭ», — adznačyŭ jon.
Taksama Łysienka zapeŭniŭ, što ŭkrainskija vajskoŭcy zrobiać usio, kab mirnyja žychary nie paciarpieli.
«Jany ich vyzvalać z pałonu, jany vyzvalać harady ad terarystaŭ i bandfarmavańniaŭ, ale heta ŭsio budzie rabicca takim čynam, kab nie nanieści niejkich strat mirnamu nasielnictvu», — adznačyŭ Łysienka.
Pavodle jaho słoŭ, razroźnienyja hrupy i nievialikija kałony bajevikoŭ, jakija paśpieli vyjści z zony aktyŭnych bajavych dziejańniaŭ, uvajšli ŭ Donieck i praciahvajuć umacoŭvacca ŭ Łuhansku.
Jak viadoma, raniej kamandujučy Nacyjanalnaj hvardyjaj Ściapan Pałtarak zajaviŭ, što pa nasielenych punktach nanosić avijacyjny ŭdar vojska nie budzie.
Pavodle jaho słoŭ, ciapier hałoŭnaja zadača Nachvardyi — «vyzvalić uvieś Danbas, Łuhanskuju vobłaść, ad ludziej, jakija nie chočuć žyć u miry».