U bližejšyja sutki, 10 lipienia, umovy nadvorja ŭ Biełarusi buduć vyznačać atmaśfiernyja franty i ciopłaja niaŭstojlivaja pavietranaja masa. Čakajecca pieramiennaja vobłačnaść. Nočču miescami, dniom na bolšaj častcy terytoryi krainy karotkačasovyja daždžy, navalnicy. Udzień u asobnych rajonach moža vypadać hrad. Viecier uschodni, paŭnočna-ŭschodni ŭmierany, pry navalnicach paryvisty, miescami škvalistaje ŭzmacnieńnie vietru paryvami da 15-20 m / s.
Tempieratura pavietra hetaj nočču +11.. +17°S, maksimalnaja dniom +22.. +28°S.
Atmaśfierny cisk budzie słaba padać.
11 lipienia Biełaruś praciahnie znachodzicca ŭ niaŭstojlivaj pavietranaj masie na pieryfieryi antycykłona z centram nad paŭnočna-zachodnimi rajonami Rasii. Tamu ŭnačy miescami, a dniom na bolšaj častcy terytoryi Biełarusi čakajucca karotkačasovyja navalničnyja daždžy. U dzionnyja hadziny ŭzmocnicca viecier.
Tempieratura pavietra nočču +10.. +17°C, dniom +18.. +26°C.
12 lipienia z prychodam aktyŭnych atmaśfiernych frantoŭ z Karpat ŭ mnohich rajonach projduć karotkačasovyja daždžy, miescami prahrymiać navalnicy. Dniom u asobnych rajonach Biełarusi prahnazujucca mocnyja daždžy, pa paŭdniovym uschodzie mahčymy hrad, pry navalnicach mocny paryvisty viecier.
Tempieratura pavietra nočču +12.. +19°C, dniom +20.. +27°C, pa paŭdniovym uschodzie da +29°C.
