Hałoŭnaj zadačaj na najbližejšy pieryjad źjaŭlajecca vychad mužčynskaj zbornaj Biełarusi pa handbole na alimpijski turnir u Rya-de-Žaniejra ŭ 2016 hodzie, zajaviŭ staršynia Biełaruskaj fiederacyi handboła Uładzimir Kanaploŭ na spravazdačna-vybarnaj kanfierencyi BFH 10 lipienia.
17 červienia Kanaploŭ byŭ aštrafavany na 135 młn rubloŭ
Pavodle jaho słoŭ, vystupleńnie zbornych źjaŭlajecca asnoŭnym indykataram pracy fiederacyi. Ich ciapierašnija pośpiechi źjaŭlajucca samymi značnymi za ŭsiu historyju Biełarusi jak niezaležnaj dziaržavy. «Nacyjanalnaja zbornaja treci hod zapar trapiła na top-turnir — dva razy na čempijanat śvietu i adzin raz na čempijanat Jeŭropy. Maładziožnaja zbornaja U-20 za apošnija try hady dvojčy traplała na čempijanat Jeŭropy i adzin raz — na čempijanat śvietu. Junijorskaja zbornaja U-18 vystupić u žniŭni na pieršynstvie kantynientu ŭ Polščy», — zaznačyŭ Kanaploŭ. Jon vykazaŭ udziačnaść kiraŭnictvu mižnarodnaj i jeŭrapiejskaj handbolnych fiederacyj, jakija dali mahčymaść Siarhieju Rutenku vystupać za nacyjanalnuju zbornuju.
Kanaploŭ padkreśliŭ, što ŭsie pośpiechi na rachunku mužčynskich zbornych. Što da žanočaha handbołu, to «z hoda ŭ hod dyskutujem, ale vyniku niama». «Reanimacyja» pačałasia z prychodam da kiraŭnictva žanočaj zbornaj słavienca Tomaša Čatera, ale jamu nie chapiła času dla dasiahnieńnia surjoznaha vyniku.
Staršynia fiederacyi taksama paviedamiŭ, što pa linii fiederacyi za apošnija čatyry hady mužčynskaja zbornaja krainy atrymała namnoha bolš srodkaŭ, čym žanočaja: 2 młrd. 498 młn. rubloŭ suprać 741 młn. 281 tys.
