Nieefiektyŭnyja sielhaspradpryjemstvy buduć pryvatyzavany ŭ vypadku, kali za paŭhoda jany nie vyjduć na biasstratnuju rabotu. Ab hetym Alaksandr Łukašenka zajaviŭ siońnia, prymajučy z dakładam kiraŭnika rabočaj hrupy ab finansavym zabieśpiačeńni prapanoŭ pa ŭdaskanaleńni dziaržaŭnaj ahrarnaj palityki.
«Siońnia ŭžo ceny na sielskahaspadarčuju pradukcyju jak optam, tak i ŭ roźnicu takija,
što našaj sielskaj haspadarcy, jakaja atrymała niemałuju padtrymku ad dziaržavy ŭ papiarednija dźvie piacihodki, možna žyć samastojna i zarablać, što i robiać sielhaspradpryjemstvy - kałhasy, saŭhasy, jakija chočuć žyć i pracavać», — adznačyŭ Łukašenka.
«My damovilisia, što my pavinny padtrymać tych, chto siońnia moža vyjści na biasstratnuju rabotu i pracavać samastojna,
a tym, jakija nie chočuć i nie mohuć, my pavinny dać termin jak minimum da kanca hoda i pryvatyzavać, pradać tym, chto choča pracavać.
Tamu niachaj dumajuć i vyrašajuć», — padkreśliŭ kiraŭnik dziaržavy. Pry hetym jon źviarnuŭ uvahu na toje, što kiraŭniki hetych pradpryjemstvaŭ tam pracavać užo nie buduć, mahčyma, navat śpiecyjalistami.
Alaksandr Łukašenka nahadaŭ, što da razhladu hetaha pytańnia padychodzili ŭžo nie adnojčy, u tym liku i na ŭzroŭni kiraŭnika dziaržavy. Śpiecyjalna stvoranaj kamisijaj pa razhladzie prablemnych pytańniaŭ u ahrarnaj śfiery pad kiraŭnictvam premjer-ministra byli vyniesieny na razhlad Prezidenta narmatyŭna-pravavyja akty, pryznačanyja ŭstaranić «vuzkija» miescy ŭ sielskaj haspadarcy. «My damovilisia ab tym, što vy ŭsio heta paličycie i z ulikam niaprostaha finansava-ekanamičnaha stanovišča nie tolki ŭ našaj krainie, ale i va ŭsim śviecie, my zrobim vyvad, ci zmožam my pajści na tyja miery, jakija prapanavany kamisijaj», — skazaŭ kiraŭnik dziaržavy.
Jon padkreśliŭ, što hałoŭnaje pytańnie nie ŭ tym, u što heta abydziecca, a ci vytrymaje dziaržava takuju nahruzku z punktu hledžańnia finansaŭ
