MUS Biełarusi ŭstanaviła asoby 10 biełaruskich hramadzian, jakija źnikli ŭ Pienzienskaj vobłaści. Ab hetym karespandentu BIEŁTA paviedamiła načalnik upraŭleńnia infarmacyi i hramadskich suviaziej MUS Biełarusi Kaciaryna Samusienkava‑Šelehava.
Pavodle jaje słoŭ, raniej u ministerstva pastupiŭ dakumient z kryminalnaha vyšuku UUS Pienzienskaj vobłaści, u jakim paviedamlałasia ab tym, što ŭ vioscy Nikolskaje
Biekaŭskaha rajona zarehistravana niefarmalnaje relihijnaje abjadnańnie «Horny Ijerusalim». Jaho členy źniščajuć dakumienty, što zaśviedčvajuć asobu.
Pry praviercy hramadzian, jakija źjaŭlajucca členami abjadnańnia, było ŭstanoŭlena, što častka členaŭ arhanizacyi vyšukvajecca jak bieź viestak prapaŭšyja na terytoryi krain SND. Taksama było ŭstanoŭlena, što 10 čałaviek źjaŭlajucca vychadcami ź Biełarusi. Adzin ź ich užo značyŭsia jak bieź viestak prapaŭšy i byŭ u vyšuku raniej Leninskim RUUS Bresta.
Z 10 biełarusaŭ, jakija źnikli na terytoryi Pienzienskaj vobłaści, 8 čałaviek źjaŭlajucca vychadcami z Bresckaj vobłaści, jašče dvoje — z Mahiloŭskaj vobłaści. Zajavy ab źniknieńni apošnich u pravaachoŭnyja orhany padali svajaki, što pražyvajuć u Babrujsku, jakija daviedalisia pra padziei ŭ Biekaŭskim rajonie. Svajaki hramadzian z Bresckaj vobłaści rastłumačyli, što dva hady tamu kiraŭnik relihijnaj siekty Piotr Kuźniacoŭ zaprašaŭ ludziej, jakija ŭ dalejšym źnikli, u Pienzienskuju vobłaść. Letam biahučaha hoda jany nakiravalisia ŭ Rasiju.
Kaciaryna Samusienkava‑Šelehava taksama paviedamiła, što ciapier MUS Biełarusi sabrany ŭsie nieabchodnyja materyjały adnosna prapaŭšych asob, jakija nakiravany va UUS Pienzienskaj vobłaści. Biełaruski bok čakaje infarmacyju ad rasijskich kaleh.
