U vioscy Haradziečna Navahrudskaha rajona Hrodzienskaj vobłaści lipienia 15 abłomkami bietonnaha padmurka zasypała mužčynu.
Haspadynia doma, žančyna stałaha vieku, paprasiła 50-hadovaha znajomaha ŭmacavać padmurak. Kali mužčyna demantavaŭ staryja frahmienty, bieton i kamiani ź nižniaj častki padmurka abrynulisia i zavalili jaho. Nižniaja častka cieła paciarpiełaha była zasypanaja ŭ tranšei hłybinioj kala 0,5 m, i sam vybracca jon nie zmoh.
Kali b ratavalniki nie padaśpieli svoječasova, kamiani mahli spaŭźci z-pad padmurka i śmiarotna traŭmavać mužčynu. Ale ŭsio abyšłosia.
Supracoŭniki MNS z dapamohaj hidradamkrata, pnieŭmapaduški i šancavaha instrumienta dapamahli paciarpiełamu vybracca. Lekary chutkaj dapamohi ahledzieli jaho i vyjavili, što surjoznych traŭmaŭ niaŭdačlivy budaŭnik nie atrymaŭ. Na vyzvaleńnie z-pad zavału syšło prykładna 20 chvilin.
