Vialikabrytanija prypyniła dziejańnie licenzij na pastaŭku zbroi, jaje kampanientaŭ i pradukcyi padvojnaha pryznačeńnia ŭ Rasiju z-za situacyi na ŭschodzie Ukrainy.
Pra heta paviedamlaje RIA «Naviny» sa spasyłkaj na adpaviedny dakumient brytanskaha ŭrada.
U pryvatnaści, Kabmin Brytanii prahladaje ekanamičnaje supracoŭnictva z RF, prypyniŭšy «ŭsie najaŭnyja licenzii i zajaŭki na pastaŭku Rasii ŭzbrajeńniaŭ, usie licenzii na pastaŭku pradukcyi padvojnaha pryznačeńnia dla rasijskich uzbrojenych sił i fiederalnych viedamstvaŭ, ekspartnyja licenzii pastavak u trecija krainy, kali isnuje ryzyka taho, što kančatkovaja pradukcyja, jakaja pastaŭlajecca ŭ Rasiju, budzie vykarystanaja suprać Ukrainy», — udakładniajecca ŭ dakumiencie.
Urad taksama adznačaje, što na dadzieny momant admienienyja ŭsie vizity na vyšejšym uzroŭni, sustrečy ekanamičnych delehacyj. Prypyniena vajennaje supracoŭnictva Rasii i Vialikabrytanii.
«Rašeńnie ab dalejšych dypłamatyčnych krokach budzie prymacca ŭ adpaviednaści z krainami-členami G7 i Jeŭrasajuza», - tłumačycca ŭ dakumiencie.