Ministr zamiežnych spraŭ Litvy Linas Linkiavičus 25 lipienia naviedaje Biełaruś. Pra heta BiełaPAN paviedamiła savietnik ministra pa pytańniach infarmavańnia hramadskaści Rasa Jakiłajcienie.
«Pakul ja mahu tolki paćvierdzić, što taki vizit adbudziecca. Dadatkovaja infarmacyja budzie zaŭtra», - skazała jana.
Staršynia Abjadnanaj hramadzianskaj partyi Anatol Labiedźka napisaŭ na svajoj staroncy ŭ sacyjalnaj sietcy «Fejsbuk», što «ŭ piatnicu adbudziecca sustreča lidaraŭ apazicyi i hramadzianskaj supolnaści ź ministram zamiežnych spraŭ Litvy spadarom Linkiavičusam».
Varta adznačyć, što ad 24 lipienia da 28 listapada 2012 hoda Linas Linkiavičus pracavaŭ ambasadaram Litvy ŭ Biełarusi, a zatym byŭ adklikany z hetaj pasady ŭ suviazi z pryznačeńniem na pasadu ministra zamiežnych spraŭ Litvy.
Na minułym tydni Linkiavičus, padčas sustrečy z akredytavanymi za miažoj litoŭskimi pasłami, zajaviŭ, što Litvie varta padtrymać dyjałoh z uładami Biełarusi. «Idzie dyjałoh z Rasijaj, prezidenty razmaŭlajuć, jeździać, sustrakajucca ŭ VIP-łožy ŭ Brazilii padčas futboła, razmaŭlajuć na sustrečach u Maskvie. Čamu my nie možam razmaŭlać ź Biełaruśsiu?» - cytuje słovy Linkiavičusa delfi.lt.
X
