Upraŭleńniem Śledčaha kamiteta pa Minskaj vobłaści zavieršana rasśledavańnie kryminalnaj spravy ŭ dačynieńni da 43-hadovaha žychara Minskaha rajona. Jon abvinavačvajecca va ŭčynieńni złačynstvaŭ, praduhledžanych p. 6, 16 č. 2 art. 139 KK (zabojstva, učynienaje z asablivaj žorstkaściu, asobaj, jakaja raniej učyniła zabojstva).
Jak paviedamiła aficyjny pradstaŭnik USK pa Minskaj vobłaści Taćciana Biełanoh, śledstvam ustanoŭlena, što ŭ lutym hetaha hoda abvinavačvany, znachodziačysia ŭ stanie ałkaholnaha apjanieńnia, u vyniku raptoŭnaj svarki nanios svajoj znajomaj rukami, nahami nie mienš čym 45 udaraŭ pa roznych častkach cieła. U vyniku paciarpiełaj byli pryčynieny ciažkija cialesnyja paškodžańni, što mieła vynikam śmierć.
U chodzie papiaredniaha rasśledavańnia śledstvam byli atrymany nieabvieržnyja dokazy dačynieńnia abvinavačvanaha jašče da adnaho asabliva ciažkaha złačynstva.
Tak, u 2011 hodzie abvinavačvany ŭ chodzie svarki, jakaja ŭźnikła na hlebie asabistych niepryjaznych adnosinaŭ, nanios 55-hadovamu mužčynu množnyja ŭdary ŭ žyćciova važnyja orhany. Ad atrymanych cialesnych paškodžańniaŭ paciarpieły pamior na miescy.
Niekatory čas złačynstva nie mahli raskryć, bo jano było ŭčyniena va ŭmovach nievidavočnaści, pry adsutnaści śviedak, a sam abvinavačvany zrabiŭ usio mahčymaje dla ŭtojvańnia śladoŭ zabojstva.
Niahledziačy na heta śledstvam daśledavany abstaviny złačynstva, praanalizavany sabranyja dokazy, što potym dazvoliła raskryć złačynstva i vykryć abvinavačvanaha.
Ciapier dziejańniam apošniaha orhanami papiaredniaha rasśledavańnia dadziena adpaviednaja pravavaja acenka i kryminalnaja sprava pieradadziena prakuroru dla nakiravańnia ŭ sud.
