Staršynia Viarchoŭnaj Rady Ukrainy Alaksandr Turčynaŭ abviaściŭ ab rospusku frakcyi Kampartyi ŭ Viarchoŭnaj Radzie 7 sklikańnia.
Adkryvajučy pasiadžeńnie parłamienta, jon skazaŭ, što hetaja frakcyja naličvaje ŭžo mienš jak 23 deputaty.
«Abjaŭlaju ab rospusku deputackaj frakcyi Kamunistyčnaj partyi Ukrainy ŭ Viarchoŭnaj Radzie 7 sklikańnia.
Heta histaryčnaja padzieja. Ja spadziajusia, što nikoli bolš kamunistyčnych frakcyj va ŭkrainskim parłamienta nie budzie», —
zajaviŭ Turčynaŭ.
Jak viadoma, napiaredadni deputaty ŭnieśli źmieny ŭ rehłamient parłamienta, jakija dazvolili raspuścić frakcyju KPU.
24 lipienia hety zakon užo apublikavany ŭ aficyjnym vydańni «Hołas Ukrainy». Takim čynam, jon ustupiŭ u siłu.
Tym časam
akruhovy administracyjny sud Kijeva pačaŭ razhlad pazovu Ministerstva justycyi Ukrainy ab likvidacyi rehistracyi Kamunistyčnaj partyi Ukrainy.
