Biełaruś i ZŠA na parytetnaj asnovie źnizili košt viz dla hramadzian abiedźviuch krain, paviedamiŭ pres-sakratar biełaruskaha MZS Dźmitryj Mirončyk 24 lipienia na bryfinhu ŭ Minsku.
Pa vynikach kansultacyj ŭstanoŭleny adziny konsulski zbor za razhlad chadajnictvaŭ hramadzianaŭ ZŠA ab vydačy ŭjaznych viz ŭsich typaŭ i kratnaści ŭ pamiery 160 dołaraŭ ZŠA, paviedamiŭ Mirončyk.
Złučanyja Štaty na parytetnaj asnovie źnizili košt viz dla hramadzian Biełarusi i ustanavili anałahičny konsulski zbor u pamiery 160 dołaraŭ ZŠA za vydaču niekatorych typaŭ šmatrazovych viz terminam dziejańnia 12 miesiacaŭ.
«Dalejšaje źnižeńnie koštu viz niemahčyma dla amierykanskaha boku ŭ suviazi z pałažeńniami zakanadaŭstva Złučanych Štataŭ Amieryki», — padkreśliŭ pres-sakratar.
