Žorstkaje zabojstva žančyny rasśledujuć ŭ Viciebskim rajonie, paviedamiŭ načalnik upraŭleńnia SK Biełarusi pa Viciebskaj vobłaści Uładzimir Šałuchin.
U lasnym masivie, raźmieščanym pamiž vioskami Barvin Pieravoz i Padbiareźzie Viciebskaha rajona, 18 červienia byŭ znojdzieny trup žančyny 1952 hoda naradžeńnia, zadušanaj nižniaj bializnaj.
Žančyna pracavała ŭ dziciačym azdaraŭlenčym łahiery, raźmieščanym u lasnym masivie. Z ranicy jana nie vyjšła na pracu, što vyklikała zaniepakojenaść administracyi łahiera. Supracoŭniki ŭstanovy nie zmahli datelefanavacca da svajoj kalehi (telefon byŭ adklučany) i paviedamili ab adsutnaści žančyny na pracoŭnym miescy jaje svajakam, jakija ŭ svaju čarhu rastłumačyli, što žančyna adpraviłasia na pracu jašče ŭčora ŭviečary, i raspačali pošuk źnikłaj. Pry pračesvańni lesu byŭ znojdzieny pryviazany da dreva trup źnikłaj.
U hety ž dzień była raspačataja kryminalnaja sprava pa prykmietach składu złačynstva, praduhledžanaha p.6 č.2 art.139 KK Biełarusi. Padčas śledčych dziejańniaŭ i apieratyŭna-vyšukovych mierapryjemstvaŭ była vyśvietlena dačynieńnie da ździajśnieńnia złačynstva raniej sudzimaha žychara Viciebskaha rajona 1992 h.n. Ustanoŭlena, što złačynstva było ździejśniena ŭ stanie, vyklikanym užyvańniem adurmańvajučych rečyvaŭ, jakija vałodajuć apjanialnym i halucynahiennym dziejańniem. Papiaredniaje śledstva pa kryminalnaj spravie praciahvajecca. Mužčynu vystaŭlena abvinavačvańnie. Abranaja miera strymańnia ŭ vyhladzie zaklučeńnia pad vartu.
