Za minułyja sutki ŭ bajach zahinuli 13 bajcoŭ ukrainskaha bataljona «Ajdar». Pra heta havorycca na staroncy bataljona ŭ Facebook.
Ciaham sutak padraździaleńni bataljona brali ŭdzieł u troch roznych apieracyjach na roznych napramkach vakoł horada Łutuhina Łuhanskaj vobłaści.
«U kožnaj z hrup byli straty. Usiaho zahinułymi bataljon straciŭ 23 čałavieki», — skazana ŭ paviedamleńni.
Ź ich 13 bajcoŭ niepasredna «Ajdara» i 10 bajcoŭ padraździaleńniaŭ Uzbrojenych sił Ukrainy, što viali bajavyja apieracyi ŭ źviazcy z «Ajdaram».
Abstaviny bajoŭ, a taksama poŭny imianny śpis zahinułych vajskoŭcaŭ buduć apublikavanyja paśla ŭdakładnieńnia.
Bataljon «Ajdar» składzieny z dobraachvotnikaŭ. Jaho kaściak skłali vychadcy z Łuhanskaj vobłaści — krajniaha ŭschodu Ukrainy, jaki prarasijskija bajeviki akupavali pieršym.
Bataljon «Ajdar»: baćka i syn pajšli ŭ Nachvardyju vyzvalać svajo Ščaście
