Jeŭrapiejski Sajuz uklučyć u śpis sankcyj suprać Rasii dźvie novyja kampanii i piaci hramadzian.
Pra heta paviedamlaje hazieta Wall Street Journal sa spasyłkaj na dypłamatyčnyja krynicy. Pavodle hetych krynicaŭ, u sankcyjny śpis trapiać asoby, jakija «padtrymlivajuć biesparadki va Ukrainie abo atrymlivajuć vyhadu ad ich».
Pytańnie ab pašyreńni sankcyj vynosiłasia ŭ paniadziełak 28 lipienia na razhlad kamiteta pastajannych pradstaŭnikoŭ (COREPER) ambasadaraŭ krain ES.
Wall Street Journal taksama paviedamlaje, što ŭ sankcyjny śpis trapiać dva najbujniejšyja rasijskija banki: Śbierbank i VTB. Mahčymaści hetych bankaŭ buduć istotna abmiežavanyja, adznačajuć dypłamatyčnyja krynicy vydańnia.
Vydańnie nie ŭdakładniaje, hetyja abmiežavańni buduć uviedzieny ŭ chodzie pašyreńnia «druhoha ŭzroŭniu» sankcyj, abo jany ŭvojduć u prajekt rašeńnia ab uviadzieńni «treciaha ŭzroŭniu» sankcyj.
