Prezident Ukrainy Piatro Parašenka źviarnuŭsia da Alaksandra Łukašenki z prośbaj pryciahnuć Biełaruś u jakaści pieramoŭnaj placoŭki pa vyrašeńni ŭkrainskaha kryzisu.
Telefonnaja razmova prezidentaŭ dźviuch dziaržaŭ adbyłasia 29 lipienia pa inicyjatyvie ŭkrainskaha boku, paviedamili ŭ pres-słužbie biełaruskaha lidara.
Kiraŭniki dziaržaŭ abmierkavali šerah aktualnych pytańniaŭ, jakija ŭjaŭlajuć uzajemnuju cikavaść.
«Prezident Ukrainy źviarnuŭsia da kiraŭnika biełaruskaj dziaržavy z prośbaj pryciahnuć Respubliku Biełaruś u jakaści placoŭki dla praviadzieńnia pieramovaŭ z udziełam usich zacikaŭlenych bakoŭ pa vyrašeńni ŭkrainskaha kryzisu. Alaksandr Łukašenka pahadziŭsia z hetaj inicyjatyvaj», — zajavili ŭ pres-słužbie.
U svaju čarhu, Piatro Parašenka siońnia paviedamiŭ, što «źviarnuŭsia da prezidenta Biełarusi Alaksandra Łukašenki z prośbaj sadziejničać praviadzieńniu ŭ Minsku 31 lipienia pasiadžeńnia trochbakovaj kantaktavaj hrupy pa ŭrehulavańni situacyi na Danbasie z udziełam druhoha prezidenta Ukrainy Leanida Kučmy, pasła Rasii Michaiła Zurabava i pradstaŭnika ABSIE».