Jakaja palityčnaja budučynia Alaksandra Kazulina? Pra heta spytaŭ mianie ŭ ranišnim etery "Svabody" Vital Cyhankoŭ.
Voś tut naš dyjaloh.
Pastfaktum ža padumałasia: jak ni paradaksalna, ale, mahčyma, ułada mieła b mieniej kłopatu, vypuściŭšy eks-kandydata raniej. Bo kali heta adbudziecca pad farsavanym ciskam Zachadu niepasredna pierad novymi prezydenckimi vybarami, to Kazulin ujedzie ŭ elektaralnuju kampaniju na biełym kani.
Jahony imidž bieskampramisnaha zmahara byŭ zatočany admysłova pad karotki i efektny pieradvybarčy cykal. Dziorzki marski piachotnik častcy demakratyčnaha elektaratu impanavaŭ bolej, čym uzvažany intelektuał Milinkievič.
Ale kali niama pieradvybarčaha fors-mažoru, imidž terminatara akazvajecca nie zapatrabavanym. A "kratovaj", jak kaža Ivaškievič, pracaj zornaha rejtynhu nie zarobiš.
Voś hladziecie: paŭhodu tamu vyzvalilisia "vuličnyja bajcy" Statkievič dy Sieviaryniec. I siońnia, kali "revalucyjnaj sytuacyjaj" navat nia pachnie, jany choćki-niachoćki musiać kancentravacca na rutynnaj arhanizacyjnaj pracy. Jana taksama patrebnaja, ale absalutna nia bačnaja šyrokaj prahresyŭnaj hramadzkaści.
Kali ŭjavić sabie, što Kazulin vyzvalajecca padčas takoha voś štylu, to prablema palityčnaj nišy dy imidžu akažacca dla jaho niaprostaj.
Hladziecie: na rolu favaryta levych siłaŭ prasoŭvajecca Kalakin. Voś vam užo kalizija: dva miadźviedzi ŭ adnym biarłohu… Svaje pohlady na liderstva ŭ sacyjał-demakratyi maje, u pryvatnaści, Mikoła Statkievič. Taksama kalizija. Dalej, znoŭ aktualizujecca antyteza "Kazulin — Milinkievič". Potym, były rektar BDU naŭrad ci stanie svaim dla BNF dy inšych pravych kanservataraŭ, navat kali pačnie pisać na vytančanaj taraškievicy. Nu i hetak dalej.
Karaciej, daviadziecca zajmacca "partyjnym budaŭnictvam", damaŭlacca, chadzić na pasiadziełki kaalicyjnych strukturaŭ i ŭsio takoje. Hetaje bałota zdolnaje chutka zasmaktać pa vušy, i adbudziecca dehieraizacyja kumira ŭ vačoch peŭnaj častki elektaratu.
Uvohule, kali hlanuć na pytańnie šyrej, ci moža na siońniašniaj vypalenaj dzialancy ŭnutrypalityčnaha žyćcia vyjavić siabie niejki apazycyjny charyzmatyk? Toj žadany "adziny kandydat", jaki b paŭstaŭ raŭnacennym supiernikam uładnaj fihury i na jakoha b zrabili staŭku ŭsie, chto choča pieramienaŭ? Dzie i jak jon moža siabie pakazać va ŭsim maštabie? Mo' takaja fihura ŭžo i jość, ale zmušana isnuje jak reč u sabie?
ZY. Zastajecca tolki pažadać, kab abmalavanyja tut "prablemy voli" najchutčej stali dla Alaksandra Kazulina ŭ praktyčnuju płaščyniu.
