Čakajecca, što ŭ trochbakovych pieramovach u Minsku 31 lipienia voźmuć udzieł «pradstaŭniki sieparatysckich hrup z uschodnich abłaściej Ukrainy».
Pra heta BiełaPAN paviedamiŭ pres-sakratar Śpiecyjalnaj naziralnaj misii ABSIE ŭ Ukrainie Majkł Bociurkiŭ.
«Sustreča trochbakovaj kantaktnaj hrupy (pradstaŭniki Ukrainy, Rasii i ABSIE) maje adbycca ŭ Minsku 31 lipienia z udziełam pradstaŭnikoŭ sieparatysckich hrup z uschodnich abłaściej Ukrainy», — skazaŭ jon.
U pasolstvie Rasii va Ukrainie BiełaPAN paćvierdzili, što na 31 lipienia zapłanavany ŭdzieł rasijskaha pasła Michaiła Zurabava u sustrečy ŭ Minsku.
U Minsku pakul aficyjna miesca i čas praviadzieńnia sustrečy nie nazyvajuć.
Nahadajem, uviečary 29 lipienia pres-słužba Alaksandra Łukašenki raspaŭsiudziła infarmacyju ab tym, što prezident Ukrainy źviarnuŭsia da kiraŭnika biełaruskaj dziaržavy z prośbaj pryciahnuć Respubliku Biełaruś u jakaści placoŭki dla praviadzieńnia pieramovaŭ z udziełam usich zacikaŭlenych bakoŭ pa vyrašeńni ŭkrainskaha kryzisu. «Alaksandr Łukašenka pahadziŭsia z hetaj inicyjatyvaj», — paviedamiła pres-słužba.
Pa źviestkach Administracyi prezidenta Ukrainy ŭ sacyjalnaj sietcy «Fejsbuk», na abmierkavańnie prapanujecca vynieści dva pytańni:
vyzvaleńnie ŭsich zakładnikaŭ, jakija zastajucca ŭ bajavikoŭ (168 čałaviek), i zabieśpiačeńnie dopusku mižnarodnych ekśpiertaŭ na miesca padzieńnia samalota «małajzijskaha avijalinij».
«Pieršaradnym pavinna być pytańnie ab abmienie vajennapałonnymi pa pryncypie» ŭsich na ŭsich». Dla mianie hetaje pytańnie źjaŭlajecca adnym z samych krajevuholnych», — padkreśliŭ vice-premjer samaabvieščanaj Danieckaj narodnaj respubliki Andrej Purhin u intervju ITAR-TASS.
Vice-premjer Ukrainy Uładzimir Hrojsman na bryfinhu ŭ Kijevie 30 lipienia zajaviŭ, što nieadkładny dopusk ekśpiertaŭ da miesca krušeńnia samalota źjaŭlajecca patrabavańniem № 1 prezidenta Ukrainy Piatra Parašenki.