U Viciebskaj vobłaści DAI zatrymała niećviarozaha kiroŭcu maršrutki, u kryvi jakoha znajšli 3,6 pramile śpirtu (prykładna jon vypiŭ 1 litr harełki).
Paśla pracoŭnaha dnia mužčyna napadpitku viartaŭsia ŭ haraž. Jeŭraradyjo vyśvietliła, što heta daloka nie samy vysoki pakazčyk: miedyki pryhadvajuć vypadki, kali ŭ aŭtaamataraŭ było 9 pramile, pry tym, što pa navukovaj litaratury 6 pramile heta ŭžo koma. U minskim haradskim narkałahičnym dyspansiery raskazali: zvyčajna samymi pjanymi akazvajucca žančyny.
Kožny dzień u adździaleńnie taksikałohii haradskoha narkałahičnaha dyspansiera pastupaje 3-4 pjanyja kiroŭcy. U adnaho ź ich utrymańnie ałkaholu ŭ kryvi budzie roŭna 8-9 pramile. Dziažurny lekar Ludmiła Čykunova kaža, što ŭ asnoŭnym pacyjenty da ich traplajuć u načny čas i chałodnaje nadvorje.
Ludmiła Čykunova: Pa litaraturnych danych 6 pramile – heta koma. Dla našych ludziej, kaniešnie, nieaficyjna idzie bolej. Dla ich 8 – heta nie pakazčyk. U pryncypie, jon moža być u reanimacyi. Jon budzie znachodzicca nie ŭ komie, a ŭ ciažkim stanoviščy. U našych pacyjentaŭ byvaje i pa 8, i pa 9 pramile, a našyja ludzi ŭstojlivyja i mocnyja da hetaha.
Za 10 miesiacaŭ hetaha hoda supracoŭniki inśpiekcyi pazbavili pravoŭ 5 472 niećviarozych kiroŭcaŭ.
