news.sky.com
news.sky.com
news.sky.com
news.sky.com
Prynamsi 15 čałavieki zahinuli i bolš za 220 paranienyja padčas vybuchu hazu ŭ Haasiunie — druhim pa vieličyni horadzie na Tajvani, paviedamlaje sajt Focus Taiwan sa spasyłkaj na supraćpažarnuju słužbu horada.
Vybuch adbyŭsia prykładna ŭ 1:50 pavodle miascovaha (20:50 pa Minsku) času. Paviedamlajecca, što bolš za 200 čałaviek byli dastaŭleny ŭ balnicy. Ludziej ź niaznačnymi ranieńniami dla akazańnia pieršaj dapamohi evakujavali ŭ škoły, raźmieščanyja niepadalok.
Vidavočcy paviedamlajuć, što ŭciečki hazu ź sistemy kanalizacyi pačalisia prykładna ŭ 09:00 viečara pavodle miascovaha času. «Na vulicach była bačnaja smuha i adčuvaŭsia niepryjemny pach», — skazaŭ adzin ź vidavočcaŭ vydańniu Focus Taiwan. Vybuch nakryŭ niekalki rajonaŭ horada.
U internecie ŭ chutkim časie źjavilisia videazapisy zdareńnia.
