Jak paviedamili na MTZ, u apošnija dni ŭ niekatorych cechach tempieratura pieravyšaje 40 hradusaŭ pa Celsiju.
Praktyčna ŭ ekstremalnych umovach na zavodzie pracujuć kala 5 tys. čałaviek. Cechi pracujuć u raniejšym režymie, za vyklučeńniem miechaničnaha cecha №1 i kavalskaha, jaki składajecca ź piaci učastkaŭ.
Pa zakančeńni pieršaj źmieny tempieratura tam vyšej za dapuščalnuju normu. U vyniku viačerniaja źmiena pieraniesienaja na načny čas.
MAZ pieravioŭ svoj punkt achovy zdaroŭja na kruhłasutačny režym pracy.
Na BMZ paviedamili, što «paramietry mikraklimatu adpaviadajuć ustanoŭlenym patrabavańniam.
Na «Homsielmašy» pryniata rašeńnie pradastaŭlać rabočym technałahičnyja pierapynki dla adpačynku na śviežym pavietry abo naviedvańnia dušavych.
Na BiełAZie praca farbavalnaj linii pieraniesienaja na načnuju źmienu.
