Pra heta paviedamiŭ pamočnik hienieralnaha sakratara AAN pa pravach čałavieka Ivan Šymonavič siońnia na pasiadžeńni Rady biaśpieki AAN u Ńju-Jorku.
«Vajennyja dziejańni nanosiać vielizarnuju škodu hramadzianskaj infrastruktury, majomaści i pryvodziać da vialikich achviaraŭ siarod nasielnictva», — adznačyŭ jon. Šymonavič padkreśliŭ, što «hrupa pa manitorynhu AAN i Suśvietnaj Arhanizacyi achovy zdaroŭja padličyli, što z pačatku vajennych dziejańniaŭ
ź siaredziny krasavika pa 7 žniŭnia 1543 čałavieki zabity na ŭschodzie, uklučajučy hramadzianskich asob, vajskoŭcaŭ i členaŭ uzbrojenych farmiravańniaŭ, 4396 čałaviek pavodle paćvierdžanych faktaŭ i dakumientaŭ paranienyja».
Šymonavič zajaviŭ, što na Danbasie «panuje atmaśfiera strachu i teroru».
Pavodle jaho dadzienych, na kantralavanaj bajevikami terytoryi vykradziena 924 čałavieki, častku ź jakich vykrali vyklučna dla atrymańnia vykupu.
Pamočnik hienieralnaha sakratara raspavioŭ, što bajeviki prymušajuć invalidaŭ, VIČ-inficyravanych i narkazaležnych da budaŭničych i inšych prac. Asablivuju ŭvahu ŭ AAN źviarnuli na stanovišča dziaciej, jakim varta zabiaśpiečyć mahčymaść vyjechać z zony bajavych dziejańniaŭ.
U toj ža čas Šymonavič padkreśliŭ, što na terytoryjach, jakija znachodziacca pad kantrolem lehitymnaj kijeŭskaj ułady, žyćcio viartajecca ŭ narmalnaje rečyšča. Jak prykład jon pryvioŭ Słaviansk.
Asobna pamočnik hienieralnaha sakratara AAN źviarnuŭ uvahu na rost pieraśledu i dyskryminacyi ŭkrainskich hramadzian u Krymie.