Biełaruskija kramy pavinny pradavać minimum 36 najmieńniaŭ ajčynnaha šakaładu. Heta praduhledžana pastanovaj Ministerstva handlu №20 ad 8 maja 2014 hoda.
Dakumient aficyjna apublikavany na Nacyjanalnym pravavym internet-partale i ŭstupaje ŭ siłu siońnia.
Pastanovaj praduhledžana, što abjekty handlu pry realizacyi tavaraŭ zamiežnaj vytvorčaści abaviazany zabiaśpiečyć najaŭnaść adpaviednaj pradukcyi, vypuščanaj pradpryjemstvami Biełarusi (vyklučeńnie z hetaha praviła robicca dla tavaraŭ krytyčnaha impartu). Da prykładu, u hastranomach z univiersalnym asartymientam charčovych tavaraŭ handlovaj płoščaj ad 200 kv.m pavinna pradavacca nie mienš za 40 najmieńniaŭ šakaładu (uklučajučy šakaładnyja batončyki) ajčynnaj vytvorčaści. U univiersamach i supiermarkietach handlovaj płoščaj ad 1 tys. da 2,5 tys. kv.m pavinna być prapanavana jak minimum 80 najmieńniaŭ šakaładu, u hipiermarkietach handlovaj płoščaj ad 8 tys. kv.m — 120 najmieńniaŭ, u śpiecyjalizavanych i vuzkaśpiecyjalizavanych charčovych kramach handlovaj płoščaj ad 50 da 100 kv.m - 36 najmieńniaŭ. Akramia taho, u kijoskach pavinna być jak minimum 5 najmieńniaŭ šakaładu biełaruskich vytvorcaŭ.
«Niekatoryja subjekty haspadarańnia nieabhruntavana zachaplajucca impartam,
— adznačyła načalnik upraŭleńnia spažyvieckaha rynku charčovych tavaraŭ Ministerstva handlu Śviatłana Ślińko. — Tym samym jany staviać ajčynnych vytvorcaŭ u niaroŭnyja ŭmovy z zamiežnymi». Da prykładu, ciapier u asobnych kijoskach možna naličyć da 60 najmieńniaŭ šakaładu zamiežnaj vytvorčaści i pry hetym nie znajści nivodnaj šakaładki, vypuščanaj pradpryjemstvami krainy. «U hetym vypadku ŭščamlajucca u tym liku pravy pakupnika na vybar tavaru», — padkreśliła śpiecyjalist.
