Uładalnikaŭ sajtaŭ abaviazali abaraniać pravy klijentaŭ internet-mahazinaŭ. Pastanovaj Savieta ministraŭ № 709 ad 22 lipienia ŭniesienyja źmieny i dapaŭnieńni ŭ Praviły prodažu tavaraŭ pry ažyćciaŭleńni roźničnaha handlu pa ŭzorach.
Jak skazana ŭ kamientary Ministerstva handlu, dakumientam praduhledžany abaviazak ułaśnikaŭ (uładalnikaŭ) infarmacyjnych resursaŭ, jakija akazvajuć pradaŭcam pasłuhi, źviazanyja z ažyćciaŭleńniem imi handlu pa ŭzorach praź internet-mahazin, akazvać spažyŭcam sadziejničańnie ŭ abaronie ich pravoŭ.
U pryvatnaści, jany abaviazanyja padavać spažyŭcu pa jaho patrabavańni infarmacyju ab najmieńni (imieni), miescaznachodžańni pradaŭca, jaho dziaržaŭnaj rehistracyi. Pry zvarocie spažyŭca da ŭłaśnika (uładalnika) takoha infarmacyjnaha resursu sa skarhaj na pradaŭca jon abaviazany zafiksavać zvarot, a ŭ vypadku nieabhruntavanaj admovy pradaŭca pryniać pretenziju spažyŭca, pieradać jaje pradaŭcu.
U dahavory na akazańnie pasłuh, źviazanych z ažyćciaŭleńniem handlu praź internet-mahazin, pavinna być prapisana prava ŭłaśnika (uładalnika) infarmacyjnaha resursu skasavać ukazany dahavor u vypadku nieadnarazovaha na praciahu hoda parušeńnia pradaŭcom zakanadaŭstva ab abaronie pravoŭ spažyŭcoŭ, a taksama praviłaŭ prodažu tavaraŭ. Padstavaj dla skasavańnia dahavora źjaŭlajecca piśmovaja pastanova ŭpaŭnavažanaha orhana kantrolu (nahladu).
Pastanova raspracavana z metaj vykanańnia zakona ad 8 studzienia 2014 hoda «Ab dziaržaŭnym rehulavańni handlu i hramadskaha charčavańnia ŭ Respublicy Biełaruś».
