U Mazyrskim rajonie ŭnuk zadušyŭ paduškaj babulu, paviedamili ŭ Ministerstvie ŭnutranych spraŭ.
Trup piensijanierki 1939 naradžeńnia byŭ znojdzieny 11 žniŭnia ŭ 20.55 u svaim domie ŭ vioscy Babraniaty Mazyrskaha rajona. Pa papiarednim zaklučeńni sudova-miedycynskaj ekśpiertyzy, śmierć nastupiła ad miechaničnaj aśfiksii. «Papiarednie ŭstanoŭlena, što ŭnuk 1991 hoda naradžeńnia, žychar Mazyra, znachodziačysia ŭ stanie ałkaholnaha apjanieńnia, u 20.30 u svarcy zadušyŭ babulu paduškaj. U ciapierašni čas padazravany zatrymany», — havorycca ŭ paviedamleńni MUS.
Jašče adna svarka svajakoŭ ledź nie skončyłasia zabojstvam. U horadzie Baranavičy ŭ 01.00 z kołata-rezanaj ranaj hrudnoj kletki byŭ špitalizavany mužčyna 1958 hoda naradžeńnia. Papiarednie ŭstanoŭlena, što ŭ svarcy paśla sumiesnaha raśpivańnia śpirtnych napojaŭ jaho sprabavaŭ zabić nažom syn, jaki pražyvaje razam z baćkam. Abodva mužčyny niepracujučyja. Padazravany taksama zatrymany.
