Rasijski sajt Istorija.rf nazyvaje 15 lipienia 1410 hoda — dzień Hrunvaldskaj bitvy — «pamiatnaj dataj vajennaj historyi ajčyny» i raskazvaje pra nadzvyčajnuju mužnaść rasijskich vojskaŭ padčas bitvy.
U raźmieščanym na sajcie karotkim roliku raspaviadajecca, što abjadnanyja siły ruskich, litoŭcaŭ, čechaŭ i palakaŭ pieramahli Teŭtonski orden, spyniŭšy jaho cisk na Uschod. «Asablivuju stojkaść prajavili ruskija pałki», padkreślivajuć aŭtary rolika.
U roliku zamiest «15 lipienia» pamyłkova ŭkazvajecca «25 lipienia».
Dalej pryvodziacca vytrymki z histaryčnych prac, kab apisać skład vojskaŭ i prykładny chod bitvy. U ich śćviardžajecca, što ŭdzieł u bitvie pryniali 43 ruskija charuhvy, a mužnyja smalenskija pałki, u adroźnieńni ad nibyta adstupiŭšych litoŭskich, nie dali kryžakam zajści ŭ tył.
Sam resurs stvorany pad ehidaj rasijskaha ministerstva kultury. Śćviardžajecca, što sajt pavinien «pradstavić dakładnuju i maksimalna poŭnuju infarmacyju pra minułaje našaj krainy na asnovie dziejučych resursaŭ sieciva (adabranych ekśpiertami ŭ ramkach prajekta «Čysty internet»)».