Pra heta havorycca ŭ zajavie kiraŭnika «Pravaha siektara», apublikavanym na sajcie arhanizacyi.
«Na siońniašni dzień razam z adkrytaj ahresijaj Rasii aktyvizavałasia ŭnutranaja kontrrevalucyja, — havorycca ŭ zajavie. — Jaje avanhardam źjaŭlajecca revanšysckija siły MUS, u tym liku na vysokich pasadach. Uznačalvaje hrupoŭku, miarkuje Jaraš, maskoŭski staŭlenik hienierał Jeŭdakimaŭ. «Mienavita jon i jaho prychvastni robiać usio mahčymaje, kab źniščyć zavajovy našaj revalucyi i prakłaści šlach dla sieparatysckich i terarystyčnych hrupovak na Kijeŭ».
U apošnija tydni milicejskija niezakonnyja zatrymańni, aryšty, źbićcio, pieratrusy, kanfiskacyi atrymanaj u bai zbroi, zakranuli dziasiatkaŭ bajcoŭ «Pravaha siektara». Karystajučysia tym, što pieravažnaja bolšaść bajcoŭ «Pravaha Siektara» viadzie bieskampramisnuju baraćbu na pieradavoj, tyja, chto supraćstajaŭ nam na Hrušeŭskaha i Instytuckaj, adčuli svaju biespakaranaść i pierajšli ŭ kontrnastupleńnie.
Jaraš zaklikaje prezidenta Ukrainy Piatra Parašenku navieści paradak u MUS, vyzvaliŭšy adyjoznych pradstaŭnikoŭ antyŭkrainskich sił z pasadaŭ u MUS i pačać rasśledavańnie ich złačynnaj dziejnaści.
Taksama patrabujem vyzvaleńnia ŭsich zatrymanych, zakryćcio ŭsich kryminalnych razhladaŭ suprać bajcoŭ dobraachvotnickaha korpusa «Pravy Siektar» i inšych dobraachvotnickich padraździaleńniaŭ i viartańnia usioj niezakonna kanfiskavanaj zbroi i transpartu ŭ zonu bajavych dziejańniaŭ.
U vypadku nievykanańnia našych patrabavańniaŭ na praciahu 48 hadzin my budziem vymušanyja źniać usie našy padraździaleńni pa linii frontu, abviaścić usieahulnuju mabilizacyju reziervovych bataljonaŭ i pačać pachod na Kijeŭ
z metaj praviadzieńnia «chutkich reformaŭ» ŭ MUS. Vytvornyja kałony «Pravaha siektara» buduć iści ŭ poŭnym ryštunku.
