U Iłavajsku Danieckaj vobłaści ŭ vyniku ataki terarystaŭ zahinuŭ 1 ŭkrainski vajskoviec, jašče 4 paranienyja, u tym liku kamandzir bataljona «Danbas» Siamion Siamienčanka.
Pra heta ŭ svaim Facebook napisaŭ ministr unutranych spraŭ Ukrainy Arsien Avakaŭ.
«U pieradavoj hrupie ataki, što ačyščała ad terarystaŭ Iłavajsk, narvalisia na minamiotny ahoń.
Vytrymali — ataku nie zharnuli. Siarod našych — adzin bajec zahinuŭ, čaćviora paranienych. U tym liku — paranieny Siamion (Siamienčanka). Množnyja askołačnyja. Vyvieźli ŭsich z pola boju ŭ špital. Papiarednie — žyćcio paranienych pa-za pahrozaj», — napisaŭ Avakaŭ.
Raniej kamandzir dabravolnickaha bataljona «Danbas» Siamion Siamienčanka paviedamiŭ, što siły antyterarystyčnaj apieracyi ŭziali pad kantrol dźvie traciny Iłavajska.