Prezident Litvy Dala Hrybaŭskajcie pavinšavała ŭkraincaŭ z Dniom niezaležnaści. U suviazi z hetym jana źviarnułasia da ich ź videavinšavańniem na ŭkrainskaj movie.
Kiraŭnik Litvy adznačyła, što Ukraina 23 hady tamu pakazała śvietu, što ŭkraincy stvarajuć svaju dziaržavu sami i Ukraina abrała svaju svabodu čverć stahodździa tamu. Akramia taho, jana pažadała, kab u krainu jak maha chutčej viarnuŭsia mir.
«23 hady tamu Ukraina ŭsiamu śvietu pakazała, što svaju dziaržavu ŭkraincy stvarajuć sami. Abaraniać svabodu svajoj dziaržavy źjaŭlajecca abaviazkam kožnaha čałavieka. Litva abrała svaju svabodu čverć stahodździa tamu. Nam dapamahło jadnańnie ludziej i žadańnie nie dazvolić čužym siłam panavać u našaj dziaržavie», — skazała jana ŭ svaim vinšavańni.
«Vy, ukraincy, taksama abrali jeŭrapiejski šlach i štodnia zmahajeciesia za prava žyć u niezaležnaj i demakratyčnaj krainie. Žadaju vam adzinstva, siły i rašučaści iści abranym šlacham. Chaj va Ukrainu chutčej vierniecca mir. Darahija ukraincy, vinšuju vas z Dniom Niezaležnaści. Słava Ukrainie!», — skazała Dala Hrybaŭskajcie.
Nahadajem, Ukraina adznačaje Dzień niezaležnaści 24 žniŭnia.
