U suviazi z zaviaršeńniem letnich kanikuł i pačatkam navučalnaha hoda, u metach praduchileńnia darožnych zdareńniaŭ z udziełam dziaciej z 25 žniŭnia pa 5 vieraśnia ŭ krainie budzie pravodzicca śpiecyjalnaje kompleksnaje mierapryjemstva «Uvaha, dzieci!», paviedamlaje DAI MUS RB.
DAI zaklikaje kiroŭcaŭ być vielmi ŭvažlivymi pry ruchu kala dziciačych ustanoŭ, prajeździe nierehulavanych piešachodnych pierachodaŭ, prypynkaŭ hramadskaha transpartu i ŭ dvarach, a taksama vykonvać praviły biaśpieki pieravozki dziaciej.
Inśpiektary źviarnuli ŭvahu, što ŭ adpaviednaści z p.166.9 PDR, u hetyja dni kiroŭcy abaviazany pierasoŭvacca ŭ śvietły čas sutak z uklučanym na transpartnym srodku blizkim śviatłom far.
Da pačatku navučalnaha hoda ŭ šmatlikich škołach na maršrutach ruchu dziaciej pa terytoryi da bližejšaha piešachodnaha pierachodu abnovicca ekśpierymientalnaja raźmietka (ślady, strełki dy inš.), jakaja paznačaje kirunak ruchu da miesca biaśpiečnaha pierasiačeńnia prajeznaj častki.