Prosta zaraz u nasielenym punkcie Markina (Danieckaj vobłaści) iduć bajavyja dziejańni. Nasieleny punkt abaraniajuć bajcy bataljonaŭ «Dniepr-1» i «Danbas».
Pra heta 0629 paviedamili ŭ bataljonie «Dniepr-1».
Da hetaha nasielenaha punkta z poŭnačy padciahnulisia siły DNR.
Akramia taho, z boku Rasii tudy ŭvajšła vajennaja technika - kala 30 tankaŭ. Siłami bajcoŭ bataljonaŭ było źniščana 5-6 tankaŭ.
Viadziecca abstreł pa žyłych damach u Markinie. Žychary siadziać u padvałach. Taksama viadziecca abstreł žyłych damoŭ u horadzie Novaazoŭsk.
Što tyčycca Maryupala [tut znachodzicca abłasnaja administracyja Danieččyny] — terytoryja ad Novaazoŭska da Maryupala całkam abaroniena. Ale praryŭ techniki mahčymy. Akramia taho, u bataljona jość infarmacyja, što mahčymy napad na horad krymskaj hrupaj i z marskoha boku.
«My prosim usich, chto hatovy ŭstać na abaronu horada, terminova iści ŭ vajenkamaty, — skazali ŭ bataljonie «Dniepr-1», — patrebnyja dobraachvotniki, patrebna dapamoha ludziej. Situacyja vielmi surjoznaja».
Akramia taho, u bataljonie «Dniepr-1» adznačyli, što žančynam ź dziećmi lepš pakinuć Novaazoŭsk i Maryupal. Znachodzicca ŭ hetych haradach niebiaśpiečna.
