Rasija prapanoŭvaje Ukrainie i ES try klučavyja papraŭki ŭ Pahadnieńnie ab asacyjacyi. Pra heta piša rasijskaje vydańnie Viedomosti sa spasyłkaj na rasijskaha čynoŭnika.
Pa-pieršaje, prapanujecca skarektavać paramietry i terminy źnižeńnia Ukrainaj pošlin na tavary ź ES.
Pa słovach surazmoŭcy «Viedamaściaŭ», źnižać ich treba pastupova. Rasiju chvalujuć pošliny na tavary, na jakija prychodzicca $ 4 młrd z $ 16 młrd ahulnaha tavaraabarotu. Nieabchodna adznačyć, što Pahadnieńnie ŭžo praduhledžvaje, što ŭkrainskija pošliny buduć źnižacca pastupova. Vierahodna, havorka idzie ab pavieličeńni pierachodnych pieryjadaŭ.
Pa-druhoje, prapanova źmianić normy techničnaha rehulavańnia - techrehłamienty ES «bolš žorstki za» rasijskija. RF miarkuje, što z pryčyny hetaha dostup rasiejskich tavaraŭ na ŭkrainski rynak spynicca.
Pa-treciaje, na dumku RF, patrebna ŭnifikacyja abo ŭzajemnaje pryznańnie normaŭ fitasanitarnaha kantrolu: u Rasii try formy vydačy siertyfikataŭ, a ŭ JEZ - adna.
Dla vyrašeńnia druhoj i treciaj prablem moža spatrebicca značny čas, ličyć fiederalny čynoŭnik.
Pa sutnaści, vykanańnie pryviedzienych prapanoŭ RF budzie aznačać nie tolki poŭny pierahlad pahadnieńnia ab Asacyjacyi ŭ častcy zony svabodnaha handlu, ale i pierahlad ŭnutranych handlovych praviłaŭ Jeŭrasajuza.
U Jeŭrasajuzie admaŭlajuć mahčymaść taho, što pradmietam trochbakovych kansultacyj Ukraina-Rasija-ES stanie pierahlad tekstu Pahadnieńnia ab asacyjacyi, abo jaje składnikaŭ.
Ukraina taksama kateharyčna admaŭlajecca ŭnosić źmieny ŭ heta pahadnieńnie, kab dahadzić Rasiei.
