Pra heta źniknieńnie Šaŭčuka ŭ sacsietkach napisaŭ jaho siabar Jan Busieł. Zaraz u fejsbuku stvoranaja supołka pa kaardynacyi pošukaŭ.
Paviedamlajecca, što muzyka pajšoŭ z domu 20 žniŭnia i dahetul tam nie źjaŭlaŭsia. Noč z 20-ha na 21 žniŭnia pravioŭ u znajomaj. Apošni raz vychodziŭ ź joj na suviaź 22-ha a 10-j ranicy praz skajp. Paśla hetaha jon źnik.
Doma ŭ chłopca zastalisia zaradka dla telefona i noŭtbuk. Zychodziačy z hetaha, siabry miarkujuć, što Dźmitryj nikudy nie źbiraŭsia.
Chłopiec byŭ apranuty ŭ sinija džynsy, karyčnievuju majku, karyčnievy tonki švedar, na hałavie była paviazka-chustka. Z saboj jon mieŭ naplečnuju sumku śvietła-bežavaha koleru.
Źmicier Šaŭčuk naradziŭsia ŭ Žytomiry (Ukraina). Vyras u Minsku, kudy pierajechaŭ z baćkami. Vučyŭsia ŭ licei Biełaruskaha dziaržuniviersiteta, na histfaku BDU. Pracavaŭ karespandentam «Jeŭraradyjo», radyjo «Mir». Hraŭ u muzyčnych hurtach. Apošnim časam pieravažna ładziŭ kancerty ŭ ahienctvie «Šabli».
